<
Breaking News Pakistan - بریکنگ نیوز پاکستان
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

بارش رکتے ہی پانی کی نکاسی شروع ہوجائے گی۔وزیر سندھ کی کراچی کے شہریوں کو یقین دہانی

وزیر اعلی سندھ کی ریسکیو کو کام مزید تیز کرنے کا حکم

کراچی(نیوز پلس) وزیراعلیٰ سندھ مراد علی شاہ نے کراچی کے شہریوں کو یقین دہانی کرائی ہے کہ بارش رکتے ہی پانی کی نکاسی شروع ہوجائے گی۔تفصیلات کے مطابق وزیراعلیٰ سندھ مراد علی شاہ نے جام صادق پُل، کاز وے ندی اور قیوم آباد کا دورہ کیا اور ریسکیو کا کام تیز کرنے کے لیے کمشنر کو ہدایت کی جب کہ وزیراعلیٰ سندھ نے پُل کے ٹکڑے پر پھنسے 5 لوگوں اور موٹر سائیکل کو نکالنے کے لیے ایدھی کی بوٹس بھی منگوا لیں۔اس سے قبل رات گئے وزیراعلیٰ سندھ نے کراچی کے مختلف علاقوں کا دورہ کیا تھا اوربارش کے باعث جمع ہونے والے پانی کی صورتحال کا جائزہ لیا تھا۔اس موقع پر وزیراعلی کا کہنا تھا کہ بارش رکتے ہی پانی کی نکاسی شروع ہوجائے گی۔محکمہ موسمیات کے مطابق 24 گھنٹوں کے دوران زیادہ سے زیادہ بارش سرجانی ٹاون میں 150.6 ملی میٹر ریکارڈ ہوئی جب کہ پہلوان گوٹھ 111، مسرور بیس 110، بیس فیصل 121، گلشن حدید 149، نارتھ کراچی 78 اور صدر میں 86 ملی میٹر بارش ہوئی ہے۔چیف میٹرولوجسٹ سردار سرفراز کا کہنا ہے کہ مون سون کا بارش دینے والا سسٹم سمندر کی جانب مڑنا شروع ہوگیا ہے، سسٹم کا بڑا حصہ شہر کی فضاؤں پر موجود ہے اور آئندہ چند گھنٹوں کے دوران مزید بارشیں متوقع ہے، مون سون سسٹم کے اثرات آج رات تک تیز بارشوں کی شکل میں برقرار رہ سکتے ہیں، سسٹم کے اثرات کے نتیجے میں پیر کی سہ پہر تک معتدل اور ہلکی بارش کا امکان موجود ہے۔

Get real time updates directly on you device, subscribe now.

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More