<
Breaking News Pakistan - بریکنگ نیوز پاکستان
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

احتساب عدالت کی سابق صدرآصف علی زرداری اور فریال تالپور کے جوڈیشل ریمانڈ میں 5 ستمبر تک توسیع

عدالت نے 17 میں سے 11 ملزمان کو ریفرنس کی نقول فراہم کرتے ہوئے سماعت 5 ستمبر تک ملتوی کر دی

اسلام آباد(نیوز پلس) احتساب عدالت نے سابق صدرآصف علی زرداری اور فریال تالپور کے جوڈیشل ریمانڈ میں 5 ستمبر تک توسیع کر دی۔ دوران سماعت نیب پراسیکیوٹر اور جج کے درمیان تلخ جملوں کا تبادلہ ہوا۔دوران سماعت سابق صدر نے شکایت کی کہ جیل والے بہت تنگ کرتے ہیں، نماز بھی نہیں پڑھنے دیتے۔ آصف علی زرداری کے کیل سردار لطیف کھوسہ نے موکل کی بیماریوں کا ذکر کرتے ہوئے اے کلاس دینے کی درخواست کی۔ فریال تالپور کے وکیل فاروق ایچ نائیک کی قرآنی آیات سننے کیلئے آئی پوڈ کی استدعا کی تو فاضل جج نے کہا پہلے جیل حکام سے اجازت لیں۔نیب پراسیکیوٹر سردار مظفر نے نئی درخواستوں پر بات شروع کی تو جج محمد بشیر نے کہا جب آپ کہہ چکے ہیں کہ یہ آپ سے متعلقہ معاملہ نہیں تو موقف کیوں سنیں؟ نیب پراسیکیوٹر بولے آپ کیسی بات کر رہے ہیں، نیب ٹیم آفیسرز آف دی کورٹ ہے، عدالت کو موقف سننا ہوگا۔ جج محمد بشیر نے سردار مظفر کے اونچی آواز میں بولنے پر برہمی کا اظہار کیا جس پر نیب پراسیکیوٹر نے معافی مانگ لی۔ عدالت نے 17 میں سے 11 ملزمان کو ریفرنس کی نقول فراہم کرتے ہوئے سماعت 5 ستمبر تک ملتوی کر دی۔

Get real time updates directly on you device, subscribe now.

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More