نیویارک(ویب ڈیسک)وزیر اعظم عمران خان 27 ستمبر کو اقوام متحدہ کی جنرل اسمبلی سے خطاب کریں گے۔
وزیر اعظم امریکہ پہنچ چکے ہیں، دورہ امریکا کے دوران وہ امریکی صدر سمیت دنیا کے کئی ممالک کے سربراہان سے اہم ملاقاتیں کریں گے اور کشمیر کی صورتحال سے آگاہ کریں گے۔
دورے کا اصل مقصد مقبوضہ کشمیرمیں جاری بھارتی مظالم اجاگر کرنا ہے، وزیر اعظم 27 ستمبر کو جنرل اسمبلی سے خطاب کریں گے، جہاں وہ مقبوضہ کشمیر میں انسانی حقوق کی بدترین پامالی سے آگاہ کریں گے.
وزیر اعظم عمران کی امریکی صدر ڈونلڈ ٹرمپ سے ملاقات 23 ستمبر کو ہوگی، عمران خان ترک صدر سے بھی ملاقات کریں گے