نیویارک (ویب ڈیسک) وزیراعظم عمران خان سے کشمیر اسٹڈی گروپ کے بانی فاروق کتھواری کی ملاقات ۔
ملاقات میں مقبوضہ کشمیر کی صورت حال پر تبادلہ خیال کیا گیا۔
ملاقات میں وزیراعظم عمران خان نے کہا کہ پوری دنیا پر مودی حکومت کا اصل چہرہ واضح ہوجائے گا۔ انہوں نے کشمیر پر بھارت کے غیرقانونی تسلط اور انسانی حقوق کی پامالی کو مزید اجاگر کرنے کی تلقین بھی کی۔
وزیراعظم اور کشمیراسٹڈی گروپ کے بانی کے درمیان ہونے والی ملاقات میں وزیرخارجہ شاہ محمود قریشی، مشیر تجارت عبدالرزاق داؤد، معاون خصوصی نعیم الحق، ڈاکٹر ملیحہ لودھی، امریکا میں پاکستانی سفیر ڈاکٹراسد مجید خان سمیت سینئر افسران بھی موجود تھے۔