لاہور(ویب ڈیسک)مسلم لیگ ن کے رہنما رانا ثنا اللہ کو انسداد منشیات کی عدالت نے مزید جوڈیشل ریمانڈ پر 2 اکتوبر تک جیل بھیج دیا ہے۔ انسداد منشیات کی عدالت نے سیف سٹی کے ایم ڈی کو ریکارڈ سمیت طلب کر لیا۔
رانا ثناء اللہ کے خلاف منشیات کے مقدمے کی سماعت اسپیشل سنٹرل ڈیوٹی جج خالد بشیرنے کی،وکلا کے احتجاج کے باعث رانا ثناء اللہ کو پیشنہ کیا جا سکا۔ رانا ثناء اللہ کے وکلاء نے گرفتاری کے حوالے سے سی سی ٹی وی فوٹیج فراہم نہ کرنے کی درخواست پر دلائل دیئے۔
وکلاء نے کہا کہ رانا ثناء اللہ کو سیاسی بنیادوں پر مقدمے میں ملوث کیا گیا ہے، اے این ایف حکام نے ابھی تک سی سی ٹی وی فوٹیج فراہم نہیں کی۔ وکلاء نے دعوٰ ی کیا کہ رانا ثناء اللہ سمیت ان کے ساتھیوں نے اے این ایف حکام کے ساتھ مکمل تعاون کیا۔