بغداد(ویب ڈیسک)عراق میں ہزاروں افراد کے 3 روز سے جاری احتجاج کے دوران 28 افراد جاں بحق ہوگئے۔
عراق کے دارالحکومت بغداد میں ہزاروں مظاہرین نے کرپشن، بے روزگاری اور عوامی سہولیات کے فقدان کے خلاف احتجاج کیا۔
بے روزگار نوجوانوں کا کہنا ہے کہ ہم تب تک احتجاج جاری رکھیں گے جب تک حکومت گر نہیں جاتی،پولیس ہم پر گولیاں کیوں چلا رہی ہے، وہ بھی ہماری طرح ظلم سہہ رہے ہیں۔
تین روز سے جاری مظاہروں میں اب تک 28 افراد ہلاک ہوچکے ہیں جن میں 2 پولیس اہلکار بھی شامل ہیں جبکہ ایک ہزار سے زائد افراد زخمی ہوچکے ہیں۔