لاہور: (ویب ڈیسک)مسلم لیگ(ن) نے نیب کی جانب سے میاں نواز شریف کی چوہدری شوگر ملز کیس میں گرفتاری کو انتقامی کارروائی قرار دے دیا ہے
لیگی رہنما احسن اقبال نے کہا ہے کہ نواز شریف پر نیا مقدمہ درج کرانا انتقامی کارروائی ہے، ن لیگ چٹان کی طرح ڈٹی ہے، حوصلوں میں کمی نہیں آئی۔
احسن اقبال کا کہنا تھا مہنگائی اور بے روزگاری بڑھ گئی ہے، معیشت تباہ اور حکومت چل نہیں رہی، حکومت اس نا انصافی کی سزا کاٹے گی۔
مریم اورنگزیب نے کہا کہ میاں نواز شریف کو اس طرح احتساب عدالت لانا زیادتی ہے، میاں نواز شریف سیاست کا سرچشمہ ہیں، دونوں بھائیوں میں اختلاف کی خبریں درست نہیں، میاں نواز شریف کہہ چکے ہیں کہ ساری دنیا کو چھوڑ دوں گا بھائی کو نہیں چھوڑ سکتا۔
انہوں نے کہا کہ جیل میں قید نواز شریف کو دوبارہ گرفتار کرنے سے کیا صنعت چل پڑے گی؟