اسلام آباد: وزیرخارجہ شاہ محمود قریشی نے کہا ہے کہ مودی کی ہریانہ میں تقریرسندھ طاس معاہدے کی خلاف ورزی ہے
وزیرخارجہ نے کہا کہ ہم نے ہم نے اپنی کوششوں سے اوآئی سی کو مسئلہ کشمیرپریکجا کیا ہے، مقبوضہ کشمیر میں مطالم کی وجہ سے بھارت کی ساکھ دنیا میں متاثر ہورہی ہے،
انہوں نے کہا کہ نریندرمودی کی ہریانہ میں تقریرسندھ طاس معاہدے کی خلاف ورزی ہے ، بھارت آبی جارحیت کی طرف بڑھ رہا ہے جب کہ مقبوضہ کشمیرکے حالات معمول پرہونے کا بھارتی بیانیہ بھی پٹ گیا۔
وزیر خارجہ شاہ محمود قریشی نے کہا کہ بھارت خطے کے امن کو داؤپرلگانا چاہتا ہے، بھارت بے نقاب ہورہا ہے، بھارتی الزام تراشی پر دنیا کو نوٹس لینا چاہیے۔
شاہ محمود نے کہا کہ بھارت کی خواہش ہے کہ پاکستان اپنے اندرونی مسائل میں الجھا رہے امریکی کانگریس میں بھی مسئلہ کشمیرپربحث ہوگی۔ پاک بھارت کشیدگی سے جنوبی ایشیا ترقی کی دوڑمیں پیچھے رہ گیا، بھارت ہرحربہ استعمال کررہا ہے اورہم سوچ سمجھ کرآگے بڑھ رہے ہیں۔