<
Breaking News Pakistan - بریکنگ نیوز پاکستان
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

مخالفین کی بیماریوں کا مذاق اڑانے والے نہ بھولیں کہ وقت بدل جاتا ہے، شہباز شریف

سیاسی مخالفت رہتی ہے لیکن کسی کے زندہ رہنے کے حق سے انکار نہیں کیاجاسکتا،پیغام

لاہور: (ویب ڈیسک) پاکستان مسلم لیگ (ن) کے صدر شہباز شریف نے کہا ہے کہ سیاسی مخالفین کی بیماریوں اوردکھ کا مذاق اڑانے والے نہ بھولیں کہ وقت بدل جاتا ہے۔

اپنے بیان میں شہبازشریف نے کہا کہ نوازشریف کی صحت پر قوم سمیت ہم سب سخت فکر مند ہیں، پارٹی قائد کی صحت میں بہتری ہماری اولین ترجیح ہے،، اللہ تعالی سے دعا ہے اور عدلیہ سے انصاف کی امید کرتے ہیں۔

شہباز شریف نے کہا کہ حکومت کے دل میں زرا بھی شرافت ہوئی توعدالت کو نوازشریف کی صحت کو لاحق خطرات سے آگاہ کرے گی، سیاسی مخالفت رہتی ہے لیکن کسی کے زندہ رہنے کے حق سے انکار نہیں کیاجاسکتا۔

انہوں نے کہا کہ نوازشریف کا قانونی حق ہے کہ انہیں بہترین علاج میسرآئے، نوازشریف کی صحت سے متعلق کسی غفلت کے متحمل نہیں ہوسکتے، حکومتی وزراء اور مشیروں کا انداز بیان انتہائی نامناسب اور قوم کے دل زخمی کررہا ہے، عمران خان اپنے وزیروں، مشیروں کو بتائیں کہ تلوار کا زخم بھر جاتا ہے لیکن زبان کا زخم نہیں بھرتا، سیاسی مخالفین کی بیماریوں اور رنج کا مذاق اڑانے والے نہ بھولیں، وقت بدل جاتا ہے۔

Get real time updates directly on you device, subscribe now.

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More