ریاض: (ویب ڈیسک)پاکستانی گلوکار راحت فتح علی خان اورعاطف اسلم نے سعودی عرب کے دارالحکومت ریاض سیزن 2019 میں گلو کاری کے فن دکھائے اور شائقین سے خوب داد وصول کی۔
سعودی ولی عہد شہزادہ محمد بن سلمان کے منصوبے کے تحت سعودی دارالحکومت ریاض میں منعقد ہونے والے ’’ریاض سیزن‘‘ میں پاکستانی گلوکار راحت فتح علی خان اور عاطف اسلم نے گزشتہ روز اپنی آواز کا جادو جگایا۔
ریاض سیزن 11 اکتوبر سے 15 دسمبر تک جاری رہےگا۔ اس سیزن میں آرٹ، کھیل اور ثقافتی پروگراموں کی ایک وسیع رینج شامل ہے جب کہ اس منصوبے میں کئی پروگرام ترتیب دئیے گئے ہیں جن میں تھیٹر، میوزک کنسرٹس اورفیشن شوز وغیرہ شامل ہیں۔
گزشتہ روز عاطف اسلم اور راحت فتح علی خان کے گانوں پر شائقین جھومتے ہوئے نظر آئے جب کہ اس تقریب کی ویڈیوز بھی سوشل میڈیا پر وائرل ہورہی ہیں۔