<
Breaking News Pakistan - بریکنگ نیوز پاکستان
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

بلاول کے آزادی مارچ میں کو سلیکٹیڈ گو کے نعرے

عوام کسی سلیکٹر یا آمر کے سامنے اپنا سرجھکانے کو تیار نہیں،آزادی مارچ میں خطاب

اسلام آباد: (ویب ڈیسک) پاکستان پیپلز پارٹی کے چیئرمین بلاول بھٹو زرداری نے کہا ہے کہ عوام آج بھی کسی سلیکٹڈ وزیر اعظم کو تسلیم نہیں کرتے اور نہ وہ کسی سلیکٹر یا آمر کے سامنے اپنا سرجھکانے کو تیار ہیں۔

بلاول بھٹو اسلام آباد سے آزادی مارچ میں شامل ہوگئے جہاں ان کا پرتپاک استقبال کیا گیا، اپوزیشن رہنماؤں نے ان کی موجودگی کو سراہا اور انہیں خیر مقدم کہا۔ اس موقع پر خطاب کرتے ہوئے بلاول بھٹو نے کہا کہ آزادی مارچ میں شامل تمام لوگوں کو سلام پیش کرتا ہوں، اس ملک کے عوام آج بھی کسی سلیکٹڈ وزیر اعظم کو تسلیم کرنے کے لیے تیار نہیں اور نہ وہ کسی سلیکٹر یا آمر کے سامنے اپنا سرجھکانے کو تیار ہیں۔

بلاول بھٹو نے کہا کہ آزادی مارچ میں پیپلز پارٹی کی نمائندگی کررہا ہوں، پیپلز پارٹی کے بانی بھٹو نے 1973ء میں پہلی بار جمہوری آئین دیا مگر کچھ قوتیں چاہتی ہیں کہ اس ملک میں طاقت کا سرچشمہ عوام نہ ہو، آج پی پی کی تیسری نسل اپنی سیاست شروع کررہی ہے آج جمہوریت پر حملے ہورہی ہیں اور ہم سب سے جمہوری حقوق چھینے جارہیے ہیں، الیکشن نہیں سلیکشن ہورہی ہے دھاندلی کی جارہی ہے جس کے نتیجے میں ایک نالائق اور نا اہل کٹھ پتلی کو سلیکٹ کرکے ملک کا وزیر اعظم بنادیا جاتا ہے اور یہ کٹھ پتلی ملکی جمہوریت اور معیشت پر حملہ آور ہے۔

پیپلز پارٹی کے چیئرمین نے کہا ہے کہ آج وقت آگیا ہے کہ سلکٹیڈ کو جانا ہوگا اور یہ تمام صوبوں کا نعرہ ہے۔ اس موقع پر انہوں نے گو سلیکٹڈ گو کے نعرے بھی لگوائے.

Get real time updates directly on you device, subscribe now.

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept Read More