نئی دہلی(ویب ڈیسک) بھارت کی اپوزیشن جماعت کانگریس کی جنرل سیکریٹری پریانکا گاندھی بھی ’واٹس ایپ متاثرین‘ میں شامل ہوگئی ہیں۔
واٹس ایپ نے پریانکا گاندھی کو اس سلسلے میں باقاعدہ آگاہ کرتے ہوئے کہا ہے کہ رواں سال بھارتی انتخابات کے دوران ان کا فون ہیک کرلیا گیا تھا اور مقصد کیلئے اسرائیلی کمپنی این ایس او کا تیار کردہ وائرس استعمال کیا گیا۔
واٹس ایپ کی جانب سے یہ انکشاف اس وقت سامنے آیا جب اس نے ایک اسرائیلی کمپنی این ایس او کو لیگل نوٹس بھیجتے ہوئے الزام عائد کیا کہ این ایس او کے تیارہ کردہ وائرس کو استعمال کرکے مختلف ممالک کے خفیہ اداروں نے 1400 افراد کے فون ہیک کیے جن میں دنیا بھر کے سیاستدان، سفارت کار، صحافی اور حکومتی عہدیدار شامل تھے۔