کراچی: پیٹ میں ہوا بھرنے کی وجہ سے ایک شخص جاں بحق

کراچی(نیوزڈیسک): لدیہ جنگل سکول کے قریب دوستوں کے مذاق نے دوست کی جان لے لی، ہلاکت کا واقعہ دوستوں کی جانب سے پیٹ میں ہوا بھرنے کے وجہ سے پیش آیا تھا۔بلدیہ ٹاؤن کے علاقے جنگل اسکول مشرق کوچ اڈے کے قریب جسم میں ہوا بھرنے سے ایک شخص جاں بحق ہوگیا جس کی لاش عباسی شہید اسپتال لائی گئی جہاں متوفی کی شناخت 45 سالہ نور شیر کے نام سے ہوئی اس حوالے سے واقعے کا عینی شاید سمیع اللہ نے بتایا کہ نور شیر مشرق کوچ کا ڈرائیور اور اس کے ساتھ کوچ پر کنڈیکٹر کا کام کرتا ہوں واقعے میں متوفی کے 2 دوستوں ثنا اللہ اور اسد نے مذاق میں گاڑیوں کے ٹائروں میں بھرنے والی ہوا نور شیر کے پیٹ میں بھری جس کے باعث اس کی اچانک طبعیت بگڑنے لگی اور وہ دونوں اسے تشویشناک حالت میں عباسی شہید اسپتال لیکر پہنچے تو وہ دم توڑ چکا تھا جبکہ اس کے منہ سے جھاگ بھی نکل رہی تھے اس صورتحال سے خوفزدہ ہو کر دونوں دوست پولیس کے ا?نے سے قبل ہی اسپتال سے فرار ہوگئے۔عینی شاہد کا کہنا تھا کہ متوفی اور فرار ہونے والے تینوں بچپن کے دوست ہیں ، متوفی نور شیر 6 بچوں کا باپ اور سائٹ کے علاقے فرنٹیئر کالونی کا رہائشی تھا ، اس حوالے سے مدینہ کالونی پولیس کا کہنا ہے کہ اس بات کا تعین کیا جا رہا ہے کہ واقعہ مذاق میں پیش ا?یا تھا یا کوئی اور وجہ تاہم پولیس متوفی کے دونوں دوستوں کی تلاش میں چھاپے مار رہی ہے اور ان کی گرفتاری کے بعد صورتحال مزید واضح ہو سکے گی۔